Aurreko sarreran azaldutako BSB GROUP-en katalogotik abiatuta, eraikuntza-sistemak eskeintzen dizkigun aukerekin hobekuntza bat proposatzea da gure asmoa. Izan ere, orubean lehiakide izango dugun hotela eraikitzaile berdinarena dela jakinik, erronka handia suposatzen du honek.
T30 hotela eraikitzeko erabilitako egitura elementuez baliatuta, ikasgaian proposatu zaigun hotelaren oin tipoa bikoiztea planteatzen da, erdian komunikazio nukleoa kokatuz, logelek hotelaren lau fatxadetako bi hartuko dituztelarik. Honek aukera emango digu logelak orientazio onetan kokatzeko, bai eta bi logela-franja horien artean geratzen diren espazioetan espazio kolektiboak sortzeko (eskakizun kulturaletan tai-chi-a egiteko espazioa, lasai egoteko espazioak...programan txertatzea kontsideratu genituen).
Gure hotelak albokoak baina irudi hobeagoa eskaintzeko, bestearen fatxada neutro eta estatikoaren kontrara, itxura dinamikoago bat sortzea da gure asmoa. Aipaturiko tarteko espazio kolektibo horiek, fatxada horietan retrankeoak egitea ahalbidetzen digute, plantan espazio kolektibo horien norabidean retrankeoak egin eta terrazak sortzea ahalbidetuz. Logelak hartzen dituzten fatxadetan egitura nagusiari balkoiak txertatzea proposatzen da, gela horien kalitatea hobetzeaz gain kanpo itxuran ere eragin nabarmena izango duelako. Egitura nagusiari lotuko zaizkion balkoi prefabrikatuak gehitzea, eraikitzaileak egin dezakeen ekarpen berri bat kontsideratzen da.
19 solairu izango dituen eraikin honetan, norabide ezberdinetan doazen forjatu panelek eta hauei lotzen zaizkien zutabeek, hotelari zurruntasuna ematen diote plano guztietan. Egitura artikulatuak lurrikarei aurre egiten die, eta retrankeo puntual horietan zutabeak kentzeko aukera ematen digu.
[Oharra: planoak tamaina errealean ikusteko, irudiaren gainean eskubiko botoiarekin sakatuz, leiho berri batean ireki eta zoom egiteko aukera dago.]
a oina
b oina
egitura oina
Hutsune eta bete erlazioa
